Real Madrid ងាក​មក​ចាប់​អារម្មណ៍ Salah ខណៈ​ដែល Liverpool មិន​អើពើរឿង​នេះ​!

កាសែត Daily Express បាននិយាយថា Real បានសំលឹងឃើញ​ Kylian Mbappe គឺ​ជា​កីឡាករ​គោល​ដៅ​នៅ​រដូវ​កាល​ថ្មី​នេះ ក៏​ប៉ុន្តែ​ក្រុម​អធិរាជសដែល​ដឹក​នាំ​ដោយ​លោក Carlo Acelloti អាចនឹង​ផ្លាស់ចិត្ត​មក​ចាប់​អារម្មណ៍​ Salah វិញ​ប្រសិនបើ PSG បដិសេធមិនអនុញ្ញាតឱ្យកីឡាករ​កំពូល​របស់​ខ្លួន​ចាក​ចេញ​ពី​ក្លិប​នៅ​នៅរដូវក្តៅនេះទេ​នោះ​។

កីឡាករ សញ្ជាតិ អេហ្ស៊ីប បានចូល​រួម​យ៉ាង​ពេញ​ទំហឹង​ក្នុង​យុទ្ធនាការដ៏គួរឱ្យចាប់អារម្មណ៍សម្រាប់ក្រុមហង្សក្រហម Liverpool កាល​ពី​រដូវកាល​ ២០២០/២១ កន្លង​ទៅ​ដោយបាន​ស៊ុតបាល់បញ្ចូលទី ៣១ គ្រាប់និងការជួយរក​គ្រាប់​បាល់​បាន​សម្រេច​ ៦ លើកក្នុងការបង្ហាញខ្លួនចំនួន ៥០ លើកនៅក្នុងការប្រកួតទាំងអស់។

Salah ដែល​មាន​ ២៩ ឆ្នាំរូបនេះ​ទំនង​ជា​មិន​ត្រូវ​បាន​លោក Jurgen Klopp អនុញ្ញាតឱ្យគាត់ចាកចេញពី Liverpool ដោយងាយស្រួល​គឡើយ​ស្រប​ពេល​ដែល​រូប​គេ​នៅសល់កិច្ចសន្យា​ដែល​មាន​សុពល​ភាព​រយៈ​ពីរឆ្នាំទៀតនៅ​លើទឹកដី Andfield។